- Advertisement -
Zjarri në zonën pyjore Bode (pjesa kufitare e territorit te bashkise Maliq dhe Korçe), orën e fundit ka rritur intensitetin për shkak të erës së fortë pavarësisht përpjekjeve për shuarjen e tij në dy ditët e fundit.
Janë të angazhuara aktualisht 35 forca nga Nj.Adm Lozhan dhe vullnetarë, 16 forca nga shërbimi pyjor dhe 13 nga MZSH-ja Maliq, forca nga shërbimi i MZSH-së Korçë 3, shërbimi pyjor Korçë 4, MZSH Devoll 5, MZSH Pustec 4, MZSH Pogradec 4, si dhe ato të Administratës së Zonave të Mbrojtura, forcave të policisë, etj.
Prefekti i qarkut të Korçës Nertil Jole ka kërkuar mbështetje edhe nga 25 forca të ushtrisë, të cilat janë duke mberritur në zonën e vatrës.
