Poetët meritojnë të kenë vetëm ditëlindje dhe për këtë arsye në ditën e 72-vjetorit të lindjes së poetit të ndjer Skënder Rusi, i cili u nda nga jeta në 31 Maj të këtij viti u zhvillua dhe një mbrëmje poetike pjesë e të cilës ishin familjarë, miq dhe kolegë të lirikut korcarë.
Djali i tij përkthyesi dhe shkrimtari Eris Rusi tha se në këtë përvjetor mungon njeriu por jo shpirti i tij. Gjithashtu Rusi dha lajmin se dorëshkrimet dhe poezitë e krijuara dhe pabotuara nga poeti pritet të sillen së shpejti për të gjithë artëdashësit.
Dekania e fakultetit të edukimit në Universitetin e Korcës, Jonela Spaho tha se poeti i mungon shumë Korcës. Gjithashtu sipas saj ai është në cdo varg dhe në cdo tingull për qytetin që i ofroi vlera.
Profesori universitar dhe një nga miqtë e poetit, Ilir Shyta duke permendur vargjet e Mikele Hernandes tha se poetët nuk vdesin asnjëherë.
Si një figurë frymëzuese dhe një lirikë thellues është konsideruar nga ana e Ada Bardhylit drejtoreshës së librit dhe leximit liriku korcar Skënder Rusi. Teksa ka folur për Varg Festval i cili po mbahet në qytete të ndryshme të Shqipërisë.
Korça ishte destinacioni i 2 i Varg Festival pas Pogradecit nga ku dhe nisi festivali i poezisë i cili do të shëtisë në disa vende të ndryshme të Shqipërisë.
