Pesë vjet nga përfshirja e pjesës shqiptare të liqenit të Ohrit në UNESCO është kremtuar me aktivitete të ndryshme promovuese për zonat rreth tij. Një guidë e përbashkët mes shqiptarëve të Shqipërisë dhe Maqedonisë së Veriut është organizuar në kuadër të 5 Korrikut në Lin. I zgjedhur jo rastësisht, gadishulli i Linit, për shkak të vizitorëve të shumtë, kryesisht gjermanë, të cilët njihen me këtë destinacion nëpërmjet promovimit që bën UNESCO, është konsideruar nga ana e drejtorit të turizmit në Bashkinë e Pogradecit, Ledjan Zeqollari, i cili foli për aktivitetin e zhvilluar ditën e sotme.
Nderim Pollozhani nga Struga tha se bashkëpunimi ndërmjet organizatave nga të dyja anët e kufirit është shumë i mirë, teksa bëri thirrje që peizazhi i Linit të mos preket nga ndërtimet. Pollozhani sheh si pengesë kufirin midis dy vendeve, i cili sipas tij vështirëson lehtësirat e guidave të përbashkëta.
Edhe pse e kishte vizituar më herët Linin, nuk kishte arritur të njihte të gjithë potencialin turistik të tij. Këtë herë, Ilmia, me profesion gazetare në Maqedoninë e Veriut, shprehet e befasuar për atë çka pa. Teksa i bëri thirrje edhe bashkëatdhetarëve të saj që ta përfshijnë Linin tek destinacionet për të vizituar.
Dita e UNESCO-s festohet për pesë vite me radhë, ku në qendër grupe vizitorësh dhe vendasish njihen më pranë me vlerat kulturore të rajonit të liqenit të Ohrit.
