Një mozaik i vecantë është vendosur në fasadën perëndimore të bashkisë së Pogradecit. Një vepër kjo e realizuar për disa muaj me rradhë nga piktori i njohur Pogradecar, Anastas Kostandini.
Edhe pse jo një mozaicist, Taso-ja ia doli që të sjelli në dimensionet 432cmX80 “paftën ilire” të gjetur në varrezat monumentale të Selcës, nga arkeologi i njohur Neritan Ceka.
Vepra titullohet “Iliria”, ndërsa është punuar me 4 ngjyra me gur të ndryshëm natyror. Ndërsa arsyeja pse kjo vepër u vendos pikerisht në fasadën e bashkisë Pogradec për piktorin është aq sa simbolike dhe strategjike. Konstandini thotë se vet arkitektura e bashkisë është dizenjuar nga vëllai i tij.
Ditën e sotme personalitete, figura publike por edhe qytetarë të Pogradecit janë bërë bashkë në përurimin e kësaj vepre të shtuar për qytetin bregliqenor.
