- Advertisement -
Kreu i PL në Pogradec Gentian Çala ka reaguar në rretin social facebook në një postim, duke kritikuar institucionin e Bashkisë Pogradec, mbi situanën e rrugëve në zonën e Mokrës. Çala thotë se mjetet notojnë në baltë në ato zona. Pogradecipress edhe më herët ka publikuar video apo foto ku paraqitet situata reale e segmenteve rrugore në krahinën e Mokrës.
“Shokë të Bashkisë Pogradec, shikoni nga pak mirëmbajtjen e rrugëve të fshatrave se po ankohen qytetarët, sidomos këtej nga Mokra se po u notojnë makinat në baltë. Jo për gjë, po edhe ata paguajnë taksa e votojnë kur vjen dita. Po më thonë që edhe punonjësit e mirëmbajtjes i keni shpënë gjetkë në punë, ndaj me kujdes…” shkruan Çala
