Shkolla “Nehemia” Pogradec fiton vendin e parë në olimpiadën “ Rroke Shkencën” 2024

Universiteti “Fan S. Noli” organizoi sot ceremoninë e ndarjes së çmimeve të Olimpiadës “Rroke Shkencën” 2024!
Kjo olimpiade e cila tashmë është kthyer në një traditë për Universitetin tonë bëri bashkë dhjetëra nxënës të shkollave të mesme të Qarkut, Korçë, të cilët testuan njohuritë e tyre në dhjetë disiplina të shkencës.
Olimiada, e cila u mbështet nga Këshilli Qarkut, Korçë, tregoi nivel të lartë të përgatitjes se nxënësve pjesëmarrës të cilët u vlerësuan edhe me çmime të ndryshme.
Fitues i vendit të parë ishte shkolla “Nehemia”, Pogradec; Kolegji “Preca” fitues i vendit të dytë dhe Gjimnazi ” Raqi Qirinxhi” fitues i vendit të tretë në këtë olimpiadë.
Urimet më të përzemërta u përcollën nga autoritetet drejtuese të Universitetit, pedagogët dhe drejtuesit e institucioneve për të gjithë nxënësit pjesëmarrës dhe mësuesit e tyre, për institucionet që e mbështetën këtë veprimtari, për të gjithë studentët dhe stafin e angazhuar për organizimin e kësaj olimpiade dhe në veçanti për ideatorin e saj, zëvendësrektorin e Universitetit, dr. Arto Adili.
Suksese të gjithëve!