Pogradec/ Çelet në ShpellArt “Përtej II” e Piktorit Thanas Dushku. Naço: Piktura e tij i ngjason një poezie…

Një ekspozitë e veçantë e titulluar “Përtej 2” është çelur në ShpellArt në Pogradec, nga piktori Korçar Thanas Dushku. Rreth 30 punime të cilat do të qëndrojë të ekspozuara për gjatë gjithë muajit, janë punuar në teknika të ndryshme ku përfshihet Pastel, Vaji, Vizatimi në portrete dhe autoportete dhe punime ku paraqitet nuditeti i femrës.
“Ekspozita quhet “Përtej 2” është vazhdim i ekspozitës time të parë të celur në muajin nëntor në Korçë. Është konseptuar në një ekspozitë ku mbizotëron autoportreti, figura deri diku dhe nuditeti femëror. Është një ekspozitë e realizuar në teknika të ndryshme, në pastel, në vaj në vizatim në karbon…” tha piktori Thanas Dushku
Portreti me natyrë moderne, i cili përhapet nëpërmjet ekspresionizmit është tepër i veçantë tek punimet e Piktorit Thanas Dushku, tha njohësi i artit dhe pedagogu Neli Naço dikur kurator i ekspozitave të tij, i cili pa nga afër punimet e shfaqura në Pogradec. Si një ish student i tij Naço tha se piktura e Dushkut i ngjason një poezie.
“Përtej 2” mbrëmjen e së shtunës, bëri bashkë artdashës, piktorë dhe intelektualë nga Pogradeci edhe më gjerë. Ekspozita momentalisht nuk do të jetë shëtitëse, ndërsa do të qëndrojë e hapur përgjatë gjithë muajt Maj në ambientet e ShpellArt, ku mund të shihet nga vendasit por edhe turistët.