Dorëheqja e Kryetarit të PD Korçë Devis Osmani, duket se ka aktivizuar strukturat e kësaj partie në Korçë për riorganizimin. I pranishëm ditën e sotme në një mbledhje me strukturat drejtuese, ka qënë dhe deputeti Ervin Salianji dhe deputetja Sorina Koti. Nuk dihet nëse ky është përfundimisht kthimi i Salianjit në Korçë, por ky i fundit muajt e fundit ka mbledhur disa herë strukturat e rithemelimit.
Burime brënda mbledhjes bëjnë të ditur se objektiva e deputetit demokrat është të shkëpusë influencat e jashtme kundrejt opozitës lokale, ku nënkuptohet largimi i influencës së ministrit socialist Niko Peleshi nga drejtuesit dhe anëtarët e kësaj force politike, e cila ka qënë gjatë pikërisht në opozitë në juglindje, pasi sipas të njëjtave burime ka qënë e kapur nga të majtët.
