Shkruan Maliq Torra: BILBILI I KËNGËS AVNI LUSHKA
Mokra , por kryesisht Velçani ka nxjerrë nga tabani i tij gjithfarë personalitetesh në fusha të ndryshme të veprimtarisë , si doktorë , inxhinierë , mësues , juristë , shkencëtarë , poetë , këngëtarë e valltarë … etj , etj me emër përtej hapësirave të saj .
Avni Lushka bën pjesë në kupolën e njerëzve të shquar të artit të të kënduarit .
Timbri i zërit të tij melodioz , lakonia e ëmbël e këtij zëri bën të dridhen gjethet e drurëve , të ndalojë zhurmën dallga e Shkumbinit , heshtin bilbilat në sezonin e këngëve të tyre , t’u gufojë gjiri vashave e nuseve të reja , të ndalojnë erërat e të mos lëvizin retë nën kupën e qiellit .
Avniu është lindur dhe rritur në shtratin e një rrethi familjar ku kënga është gen trashëgimie dhe ky gen më së miri është ngjizur te ky këngëtar tashmë i njohur jo vetëm në Shqipëri , por fama e këtij zëri briland është shpërndarë dhe është bërë i dashur anë e mbanë Rruzullit Tokësor , që nga Greqia e shqiptarëve dhe Turqia e Qemal Ataturkut Albanez , apo Amerika e hapësirave të pafundme e deri në Australinë e largët të kangurëve …
Avniu është i mirëpritur dhe i adhuruar ku ka shqiptarë .
Repertori i Avni Lushkës , i këngëve dhe i tematikave të tyre është kaq e larmishëme , saqë në interpretimet e tij gjejnë çlodhje , kënaqësi , lotë malli e delire optimizmi të gjitha grupmoshat e të apasionuarve të këngëve .
Këngët e Avniut kanë një dikson të përkryer interpretimi .
Karrierën e tij si këngëtar , Avniu e ka filluar qysh herët , në adoloshencën e tij me grupin folklorik të fshatit .
Kënga e tij “Bajame moj nazemadhe” bënte që të duartrokitej pafundësisht në shtëpinë e Kulturës së Velçanit dhe të rikëndohej disa herë .
Nga vetë natyra , Avni Lushka është djalë çapajev , djalë me humor , një djalë që të bën për vete me fjalët plot “kripë” dhe “sheqer” që i ka “hazër – xhevap” për cilindo .
Nuk po rrekemi të bëjmë të plotë biografinë e jetës së Avniut , por shkurtimisht po përpiqemi ta pasqyrojmë vetëm në miniaturë çka u intereson dashamirësve të këngës e konkretisht të këtij këngëtari Mokrar që ka përfaqësuar dënjësisht grupin folklorik të Qarkut Korçë në disa Festivale Folklorikë në Gjirokastër .
Avni Lushka përveçse është këngëtar me zë kaq të veçantë , po kaq artist është edhe si interpretues vyrtioz me instrumentat e fizamonikës dhe klarinetës .
Këto zanate nuk i ka mësuar “nga halli” , por i ka nga malli , i ka të bruajtura nga shpirti i tij prej artisti .
Ky Artist kaq i kompletuar është shumë i kërkuar kudo nëpër gëzime familjare , nëpër gosti dhe dasma , në përvjetorë ditëlindjesh apo nëpër festa të ndryshme .
Gjeografia e këtyre veprimtarive nga ky këngëtar i zërit brilant është mjaft , mjaft e gjërë .
Me këto pak rreshta është e pamundur të jepet e plotë ” biografia” artistike e Avni Lushkës , por kjo mangësi informacioni do të plotësohet në një shkrim më të detajuar në të ardhmen .
Suksese Avni Lushka dhe zëri yt ushtoftë kudo ku ka shqiptarë dhe Mokrarë !
