IMT Pogradec, mbështetur edhe nga Policia Bashkiake e qytetit, ka vijuar aksionin e prishjes së objekteve buzë liqenit, këtë herë në zonën e tushëmështit. Aksioni ka nisur për disa javë, ku janë prishur dhjetëra objekte të ndërtuara buzë liqenit pa leje në 30 vitet e fundit. Faza e parë e tij përfshin vijën liqenore brenda në qytet, ndërsa në fazën e ardhshme pritet që aksioni të zhvendoset në zonat e Udënishtit, Mëmëlishtit dhe Linit.
Kryeinspektori i IMT-së, Nertil Çollaku, thotë se ndërtimet e paligjshme janë evidentuar nga një inspektim na bashkëpunim me IMT Kombëtar. Ndërsa shton se nuk ka pasur kundërshtime nga banorët.
Ndërhyrja për prishjen e objekteve të ndërtuara në liqen bëhet në prag të fillimit të sezonit veror për të shtuar sipërfaqen e plazheve në shfrytëzim nga vizitorët dhe banorët..
