Dogana e Qafë Thanës në kolaps gjatë fundjavës. Qytetarët presin mbi 40 min të indinjuar: Nuk funksionon “one stop shop”

Fundjava sjell rritjen e ndjeshme të fluksit të kalimtarëve në pikën e kalimit kufitar të Qafë Thanës. Pritjet e automjeteve shkojnë deri në 40 minuta, ndërkohë që autoritetet doganore punojnë me tre sportele, kushtëzuar kjo situatë nga pala maqedonase (pasi aplikohet kalimi me një ndaleseë ku kontrollorët e dy palëve qëndrojnë në një kabinë). Fluksi gjatë fundjavës rritet ndjeshëm për shkak të pushuesve shqiptarë të cilët vizitojnë Maqedoninë e Veriut. Orët e pikut mbeten paraditja dhe mbrëmja, ku qytetarët kthehen përsëri në vendet e tyre.