Burimi: Korcaboom
Korçarët kanë zhvilluar seancën e parë të stërvitjes pas disa ditësh pushimi. Trajneri Gvozdenoviç kishte lajmëruar që stërvitja do të fillonte ditën e mërkurë në orën 14:30 dhe po të shikoje grupi ishte i plotë me përjashtim të të grumbulluarve me ekipin tonë Kombëtar U-21.
Para stërvitjes ka pasur edhe një takim mbi 30 minuta atje ku trajneri ka bashkëbiseduar me stafin e tij dhe me futbollistët dhe u ka bërë me dije edhe atë që kanë të planifikuar në stërvitjet e radhës, madje është interesuar edhe për familjet e futbollistëve se si vetë lojtarët i kanë gjetur.
Kjo tregon se duke mos pasur asnjë mungesë ky grup ka edhe një disiplinë sportive shumë të madhe.
Seancat stërvitore do të vijojnë në qytetin juglindor dhe e radhës do të jetë mesditën e sotme.
