Kryeministri Rama dhe Presidenti Macron kanë zhvilluar bisedime në lidhje me projektin e krijimit të Liceut Francez në Shqipëri dhe shpresojmë që të arrihet një marrëveshje në këtë drejtim. Në muajin qershor pritet të vijë një ekspert francez për të studiuar terrenin dhe situatën, me shpresën që të mund të realizohet ky projekt deri në shtatorin e vitit 2025.
Sa i përket zhvillimeve politike në Shqipëri në lidhje me zgjedhjet e vitit 2025, ambasadorja franceze ka vendosur të mos komentojë. “Nuk mund të përgjigjem në lidhje me aktualitetin e politikës shqiptare,” tha ajo.
Ambasadorja Franceze ka zgjedhur Korçën për të qenë në qytet gjatë Ditës së Frankofonisë dhe sipas saj, Korça është një nga qytetet që përfaqëson frymën e frankofonisë në Shqipëri.
