Shkruan Ardit Konomi: Që prej mesit të javës të kaluar ka filluar prodhimi i kapsulave të pyllëzimit. Teknologjikisht, materialit përbërës të tyre (niseshte dhe tul letre), i kemi shtuar edhe pluhur druri me qëllim përmirësimin e disa parametrave.
Sipas ritmit, përllogarisim që brenda kësaj jave do të arrijmë tek 20,000 copë.
Në atë moment do të fillojmë paralelisht me procesin e mbjelljes.
Mbështetja e donatorit (GEF-SGP/UNDP) dhe disa kontribute të tjera të brendëshme, na kanë mjaftuar për ta mbuluar financiarisht të gjithë ciklin.
Megjithatë, siç i kam paraprirë në postimet paraardhëse, do të nevojitet bashkim forcash për procesin e mbushjes të kapsulave të cilin nuk kemi mundur ende ta automatizojmë por nga bisedat e zhvilluara deri tani, besoj që jemi të mbuluar edhe në këtë pikë.
Konomi: 20 mijë copë kapsula për mbjelljen e pemëve në Qarkun Korçë!
- Advertisement -
