Ministrja e Shëndetësisë Albana Koçiu vizitoi Spitalin Bashkiak në Pogradec, ku pa nga afër ndryshimet për sa i përket pajisjes së aparaturave të reja ekzaminuese në fushën e kardiologjisë, ekokardiografisë, kabinetit të provës ushtrimore, si dhe për grafikun digjital X-Ray.
Në bisedë të hapur me mjekët dhe infermierët e këtij spitali, të cilët shërbejnë rreth 92 mijë banorëve me përkushtim dhe profesionalizëm, si dhe me fluksin e lartë të turistëve që dyfishohet gjatë sezonit të verës, u theksua angazhimi për të nisur së shpejti punën për përmirësimin e infrastrukturës spitalore. Qëllimi është të rritet cilësia e shërbimit ndaj qytetarëve dhe të ofrohen kushte bashkëkohore për stafin mjekësor.
Veç të tjerash Koçiu shkruan:
Gjatë vizitës në Spitalin e Pogradecit u njoha me Sebastianin dhe Metjanin, dy fituesit e portalit “Infermierë për Shqipërinë” të cilët me meritokraci arritën të fitonin pikët maksimale dhe nisën punën bashkë me ekipin e mjekëve në shërbim të qytetarëve të Pogradecit
