ERZENI-SKËNDERBEU 0-3
Shënues: Franklin 3’. Nikaj 7’ (11-m), Janaqi 74’
ERZENI: Hasanbelli, Maliqi (Dakaj 54’), Kahrimanoviç, Zeka, Asani (Kadriu 53’), Sadiki, Alba (Marzuk 22’), Mëllugja (Blazeviç 64’), Peposhi, Osmanllari, Atanda. Trajner: Skerdi Bejzade
SKËNDERBEU: Alia, Ramos, Prençi, Rabiu, Rashica (Djantu 66’), Nikaj (Lika 86’), Gerco, Franklin (Uçe 82’), Vangjeli, Janaqi, Merlim (Alii 82’). Trajner: Ivan Gvozdenoviç
Gjyqtar: Laver Alla
Kartonë të verdhë: Hasanbelli, Sadiki, Mellugja, Dakaj / Rabiu, Prençi
Pa filluar mirë takimi në Rrogozhinë mes Erzenit dhe Skënderbeut, janë bardhekuqtë që shënojnë 2 gola në harkun kohor të 7-të minutave.
Vërtet një Skënderbe që po bën mrekullinë në Rrogozhinë, ndërkohë që qysh në minutën e 3-të të takimit është Franklin që shënon golin e avantazhit.
Më pas në të 7-ën minutë është Janaqi që merr një 11-metërsh në duelin me portierin vendas dhe gjyqtari Alla tregon dorën te pika e bardhë e penalltisë.
Gjuan saktë nga pika e bardhë Nikaj dhe 0-2 për Skënderbeun. Në vetëm 7-të minuta lojë Skënderbeu bën “ligjin” në Rrogozhinë dhe një start të tillë kaq të mirë, as vetë korçarët nuk e kishin menduar që do të ndodhte.
Në minutat në vazhdim Skënderbeu luan qetë dhe janë minuta të qeta ku bardhekuqtë përpiqen të ulin ritmin, pasi kryesimi 0-2 sigurisht që jep qetësi më vete për miqtë.
Janë shijakasit që nga minuta e 18-të kujtohen të shënojnë një rast, por pozicion jashtë loje.
Skënderbeu deri në minutën e 30-të përpiqet që të shfrytëzojë ndonjë kundërsulm, ndërkohë që mbrojtja duket se sigurtë deri në këtë minutë. Skënderbeu është i rezikshëm herë pas herë dhe Gerco me kokë në të 34-ën minutë për pak sa nuk shënon edhe të tretin. Dy minuta nga fundi është kapiteni Prençi që shtyn me duar Maliqin dhe Alla tregon dorën te pika e bardhë e penalltisë. Madje edhe pse është parë në VAR, gjyqtari jep sërish penallti. Gjuan Kahrimanoviç, por Marko Alia tregohet i shkëlqyer duke e kuptuar krahun dhe duke pritur 11-metërshin.
Në dhomat e zhveshjes Skënderbeu futet në këtë mënyrë me avantazhin 0-2
Pjesa e dytë nis pa ndërrime për të dy skuadrat, ndërkohë që Gvozdenoviç u beson të njëjtëve lojtarë. Duket se kjo pjesë e dytë ka një Skënderbeu më shumë të ngjeshur në mesin e fushës, duke mos e lejuar kundërshtarin që të shkojë në zonë.
Në minutën e 62-të është Franklin me kokë që ka një rast të pastër, ndërkohë që pas kësaj minute Erzeni hidhet i gjithi në sulm, pasi nuk ka më çfarë të humbasë, por nuk është i saktë në metrat e fundit, kjo edhe falë Skënderbeut që mbrohet mirë.
Në të 74-ën minutë është Dejvid Janaqi që vulos fitoren duke shënuar edhe të tretin dhe sigurisht ka festë te Skënderbeu, pasi ndeshja po shkon drejt fundit.
Në fakt deri në përfundim asgjë për tu shënuar dhe Skënderbeu që e kthen në festë fundin e ndeshjes, pasi ka marrë një tjetër fitore të madhe dhe është ngjitur në kuotën e 31-të pikëve.
Minutat dhe rastet e pjesës së parë
3’ – Franklin merr një top të bukur në zonë, futet dhe gjuan duke shënuar golin e avantazhit dhe 0-1 për Skënderbeun.
7’ – Është Janaqi që futet në zonën e Erzenit, pengohet në mënyrë të parregullt nga portieri vendas dhe penallti. Gjuan saktë Ardit Nikaj dhe 0-2 për Skënderbeun.
18’ – Zeka për vendasit në rastin e parë shërben për Maliqi, që gjuan dhe topi përfundon jashtë, por më pas gjyqtari anësor ngre flamurin duke zënë vendasit në pozicion jashtë loje.
25’ – Anteo Osmanllari për Erzenin përpiqet të gjuajë nga jashtë zone, lëshon një predhë, por vetëm jashtë.
30’ – Atanda për Erzenin me kokë pas një goditjeje nga këndi gjuan dhe topi qeth tranversën e Marko Alia.
34’ – Goditje këndi për Skënderbeun. Rashica fut saktë në zonë topin dhe Gerco godet me kokë topin duke e dërguar ngjitur me shtyllën e djathtë pingule. Një rast tjetër i pastër për Skënderbeun.
45+2’- Prençi në një ndërhyrje në zonë shtyn me duar Maliqin dhe gjyqtari i bindur jep 11-metërsh. Gjyqtari e shikon në VAR për disa minuta dhe më pas tregon se është i drejtë vendimi që kishte marrë. Gjuan Kahrimanoviç dhe pret Marko Alia.
Minutat dhe rastet e pjesës së dytë
62’ – Goditje dënimi për Skënderbeun. Merlim kroson në zonë dhe Franklin godet me kokë, por topi përfundon jashtë kuadratit.
67’ – Rast i artë për Skënderbeun. Nikaj futet bukur në krahun e majtë dhe jep një asist për Djantu që nuk arrin ta dërgojë topin në kuadrat, duke shpërdoruar këtë moment kaq të pastër shënimi.
74’ – Franklin bën mirë në krahun e majtë shërben për Janaqi, që shënon edhe të tretin dhe mbyll thuajse këtë ndeshje, pasi nuk kanë mbetur edhe shumë minuta deri në fund.
86’ – Erzeni shënon në këtë minutë, por ka pozicion jashtë loje dhe goli është i pavlefshëm.
