- Advertisement -
Skënderbeu në volejboll për femra ka fituar me rezultatin 3-0 në sete ndeshjen e luajtur këtë pasdite në pallatin e sportit ‘Tamara Nikolla’ ndaj ekipit të Pogradecit.
Skënderbeu fitoi lehtësisht me rezultatin 25-6 setin e parë. Në të dytin loja u rivalizua më shumë por u mbyll sërish në favor të Skënderbeut me rezultatin 25-21. Ndërsa seti i tretë përfundoi me rezultatin 25-18 për vajzat e drejtuara nga trajneri Orlando Koja.
Kjo ishte ndeshja e parë e fazës së dytë që nisi me fitoren e pritëshme të Skënderbeut. Ekipi këtë sezon është konkurues për të fituar titullin kampion, kupën e Shqipërisë, por edhe Ligën ‘Gjergj Kastrioti’.
