Një aksident rrugor ka ndodhur rreth orës 18:00 në unazën e qytetit të Pogradecit, aty ku vetëm disa ditë më parë u përplasën tre automjete. Dy automjete që udhëtonin në drejtime të kundërta janë përfshirë në këtë aksident, shkaktuar dëme të lehta materiale. Burimet në vendngjarje raportojnë se humbja e kontrollit të mjeteve mund të jetë shkaku i këtij aksidenti. Policia ka mbërritur në vendngjarje dhe po heton për të sqaruar rrethanat e ngjarjes.
Dëmtimi i automjeteve ka ndikuar në ngadalësimin e qarkullimit të mjeteve të tjera, sidomos në lagjen nr. 4, ku kalon unaza e qytetit. Kjo zonë ka një ngarkesë të lartë të trafikut, dhe disa incidente rrugorë kanë ndodhur kohët e fundit, veçanërisht për shkak të shpejtësisë së lartë të automjeteve. Mungesa e pengesave për uljen e shpejtësisë, veçanërisht në segmentet ku unaza kalon nëpër zonat e banuara, është një nga problematikat që shkaktojnë këto aksidente.
