- Advertisement -
Rrezikohen nga gjuetia e paligjshme kafshët e egra në Parkun Kombëtar të Prespës, zbulohen kurthe kavosh që i jepen policisë për hetim.
Administrata e Zonave të Mbrojtura Korçë njofton se me stafin e saj ndërmorri këto ditët e fundit një aksion në territorin e Parkut Kombëtar të Prespës.
Aksion ky që kishte si qëllim parandalimin e aktiviteteve të paligjshme në zonat e mbrojtura dhe mbi vendosjen e kurtheve në dëm të jetës së kafshëve të egra.
Nga kontrollet e kryera, bëhet me dije se u konstatuan një sërë kurthesh “kavo”. Të cilat i janë vënë në dispozicion edhe policisë së shtetit për të marrë masat për nisjen e një hetimi në kapjen e autorëve dhe identifikimin e zonave më me risk në brendësi të parkut.
