Këshilli Bashkiak Pogradec këtë të premte ka miratuar propozimin për marrje mendimi për ndryshimin e tarifave të ujit të pijshëm nga UK Pogradec Sh.a. Kjo vendimarrje i hap rrugë rritjes së tarifave të ujit të pijshëm në qytetin e Pogradecit nga kjo ndërmarrje. Edhe pse në dëgjesa publike veç kundërshtive që banorët kishin për këtë rritje të ujit të pijshëm dhe kritika të shumta për administrimin e ndërmarrjes e cila mban bilance tepër negative në buxhet.
Sot “ushtarët” e Sterjos në këshill ngritën 13 vota “pro” rritjes së çmimit të ujit dhe vetëm 3 këshilltarë votuan “kundër”. Kjo vendimarrje vjen pas rritjes së tarifave vendore vetëm një javë më parë. Duket që këshilli Bashkiak Pogradec, ka dalë jashtë kontrollit dhe po mbron vetëm interesat e pushtetit duke shkelur me të dyja këmbët ata të cilët i votuan.
Këshilltarët që votuan kundër: Arber Male, Frederik Pikuli dhe Klajdi Gjona
Gazetari Armand Braho shkruan për votimin:
“Këshilli i Turpit! Shihini mirë keto fytyra, janë pikërisht ata që votuan që në Pogradec të rriten tarifat dhe tani sapo votuan të rritet çmimi i ujit! Boll më deri këtu!
Kartonat po përdoren kundër qytetit dhe banorëve. Është emergjente vendosja para përgjegjësisë e abuzuesve në emër të popullit.
Në komunikimin e rradhës do ju nxjerr me fakte skemat abuzuese të tyre… Tani duhet të merremi personalisht me kartonaxhinjtë e gjellëtores të quajtur këshill!”
