Në qarkun e Korçës gjatë natës reshjet janë ndërprerë.
Për shkak të temperaturave të ulta borëpastrueset kanë qenë në terren prej orëve të para të mëngjesit për të bërë kriposjen e rrugëve.
Në zonën e Dardhës aty ku termometri ka shënuar deri në – 5 gradë gjatë natës, kanë qenë dy borëpastruese për të bërë të mundur kriposjen e gjithë segmentit.
Lexo edhe:
- Personazh nga Lorena Kodra: “Hëna Gënjeshtare” nga Bramo, një udhëtim mes dashurisë, iluzionit, tradhtisë…
- Vrasje në Korçë, 20-vjeçari ekzekutohet brenda një pallatit, autori dhe viktima ishin shokë…
- Nga Ardit Qirici: Festa e Birrës apo “Bukë dhe Cirk”? Thirrje për bojkot…
- Qafë Thana drejt “One Stop”, inspektohen përgatitjet për nisjen e sistemit…
- Ministri Salla inspekton punimet për rehabilitimin e argjinaturës së lumit Devoll…
3 borëpastruese kanë qenë në aksin nacional Korçë-Ersekë në qafën e qarrit për të bërë kriposjen dhe 2 të tjera në zonën e Voskopojës.
Edhe në majën e Mashkullorës aty ku trashësia e dëborës shkoi deri në 1 metër, në të gjithë segmentin Shtyllë-Panarit është punuar që prej ditës së djeshme dhe aktualisht edhe në këtë segment nuk shfaqen probleme, por drejtuesit e mjeteve që përdorin këtë aks përveç gomave dimërore duhet të pajisen edhe me zinxhirë.
Ndërkohë në gjithë qarkun nuk shfaqen problematika, të gjitha rrugët janë të hapura por drejtuesit e mjeteve duhet të tregojnë kujdes të shtuar sidomos në zonat dhe segmentet e prekura nga dëbora dhe përveç gomave dimërore duhet të kenë me vete edhe zinxhirët.
Aktualisht në Korçë termometri shënon -1 gradë ndërsa në zonën e Dardhës -2.
