Mbrëmjen e djeshme në numërimin mbrapsh u bë ndezja e dekorit festiv të festave të fundvitit në qytetin e Pogradecit. Qindra njerëz në shesh ndoqën pjesë të ndryshme të ceremonisë ku përfshiheshin një koncert i organizuar nga fëmijët e veshur me kostume festive dhe më pas performancën artistike të organizuar nga trupa e Qendrës Kulturore “ Lasgush Poradeci”.
Për nënkryetaren e Bashkisë Pogradec, Entela Gusho dekori festiv në qytet këtë vit pati risi teksa ndezja e dritave shenjon fillimin e kalendarit artistik në qytetin liqenor.
Qytetarë të ndryshëm dhe vizitorë u shprehën se atmosfera festive ka filluar të ndihet tepër në Pogradec. Edhe disa prej fëmijëve, të cilët u bënë pjesë në koncert të emocionuar uruan festa të mbara të fundvitit.
Pas qytetit të Korçës dhe Ersekës, Pogradeci ishte bashkia e rradhës e cila me nje ceremoni në shesh ngriti siparin e aktiviteteve me qëllimin e vetëm për të afruar sa më shumë turist.
