Burimi: RTSH Korça
Po shkon drejt përfundimit rikonstruksioni i banesave të familjeve në nevojë në bashkinë e Maliqit. Këtë vit janë 51 familje që kanë përfituar falas rikonstruksion të banesave. Bëhet fjalë për familje të cilat janë në kushte të vështira sociale e ekonomike duke e pasur të vështirë të ndërhyjnë në shtëpitë e tyre. Sipas nënkryetarit të Bashkisë Maliq Eridion Rustemi ky është viti i katërt që ndërhyhet për rikonstruksionin e banesave të familjeve në nevojë.
Punimet përfshijnë rikonstruksionin e çative, por edhe dyer, dritare, shtrim me pllaka apo edhe rrjetin elektrik. Aplikimet për këtë program janë mjaft të larta, ndërsa bashkia e Maliqit shpreson që vitin e ardhshëm të mund të përfitojë një fond edhe më të lartë për ti ardhur në ndihmë edhe më shumë familjeve në nevojë.
