Feston Korça, dhjetori një muaj veprimtarish artistike me komedi e koncerte.
Feston Korça. Një program i larmishëm aktivitetesh artistike dhe kulturore përgjatë muajit dhjetor njoftohet nga Qendra e Artit dhe Kulturës.
Aktivitetet fillojnë nga nesër, data 2 dhjetor, dhe vazhdojnë gjatë gjithë këtij muaji deri në datën 30 me kartolinën e korit ‘Lira’.
Artëdashësit korçarë dhe jo vetëm do të kenë mundësi të shijojnë koncertin me këngë qytetare korçare ‘Kur më shkon sokakut’, koncertin e titulluar “Shpirti në klarinetë’ me klarinetistin e njohur Zhani Struga, por edhe orkestrën e harqeve të Korçës, korin Acapella, koncertin me tre tenorët dhe korin ‘ Armonia’ nga Selaniku.
Nuk do të mungojnë komeditë në skenën e teatrit ‘Andon Zako Çajupi’ si dhe ekspozitë në bibliotekën e qytetit, për të mbyllur në fundviti me kartolinën e këngëve nga repertori i korit ‘Lira’.
