Rehova është një ndër fshatrat turistik më të bukur në zonën e Kolonjës, por dimri e disfavorizon këtë zonë. Shtëpitë pritëse të cilat janë të paktë, nuk kanë kapacitete për të pritur vizitorë në stinën e dimrit, pasi ngrohja në këto bujtina është me dru zjarri, për të cilat kostoja ka shkuar deri në 5500 lekë/ metër sterë. Nga 10 shtëpi pritëse në këtë fshat, vetëm dy prej tyre i kanë kushtet e pritjet në stinën e dimrit të turistëve, që kryesisht janë të huaj.
Mësuesja e cila ka kthyer banesën e saj në një shtëpi pritëse thotë se në fshatin Rehovë duhet të ketë një vëmendjen më të madhe, pasi mosha e tretë e cila gjendet aty, nuk ka mundësi të rikonstruktojë dhe menaxhojë shtëpitë e vjetëruara sidomos për turizëm. Gjithashtu ajo shton se ka inicjativa të cilat duan të ndërtojnë një pistë skish në malin e Gramozit.
Gjatë gjithë vitit sipas të dhënave nga Bashkia e Ersekës, rehovën e kanë vizituar më tepër se 4500 turistë, kryesisht Francezë dhe Gjerman. Ndërsa në të dhënat e bashkisë, për gjithë vitin rezultojnë më tepër se 25 mijë turistë.
