Banorët e fshatit Dishnicë sërish ankesa për ujin e ndotur, problematikë që e vuajnë prej dy muajsh.
Baborët e fshatit Dishnicë ankohen sërish për ujin e pishëm të ndotur që nuk vjen i tillë vetëm në raste reshjesh të shiut por sipas tyre është një problematikë që e vuajnë prej gati 2 muajsh.
Nëpërmjet një mesazhi drejtuar Korça Report banorët e Dishnicës bëjnë apel për këtë situatë pa zgjidhje. Madje nuk kursejnë ironinë teksa foton e një bidoni me ujë të turbullt e shoqërojnë me diçiturën se ‘ka marrë ngjyrën e shqiponjës’ meqënëse sot kremtohet festa e Pavarësisë.
Banorët e fshatit Dishnicë pak kohë më parë dolën në protestë për problemin e ujit, duke u ankuar se Ujësjellës-Kanalizime Korçë nuk ndërhyn për të rregulluar gjendjen. Ndërsa nga shoqëria e Ujësjellës- Kanalizimeve u pretendua se nuk u janë adresuar ankesa dhe se nga analizat uji i pishëm në këtë fshat nuk rezulton i ndotur.
