Aktivitete në Korçë/ Sot është Dita Botërore e të Drejtave të Fëmijëve

Sot dita botërore e të drejtave të fëmijëve, aktivitete sensibilizuese në shkollat e Korçës.

Në kuadër të 20 nëntorit Ditës Botërore të të Drejtave të Fëmijëve Bashkia Korçë në bashkëpunim me World Vision dhe Shkollën “Raqi Qirinxhi” kanë zhvilluar një aktivitet tek Qyteza e Fëmijëve.

Pjesë e këtij aktiviteti ishte edhe një ekspozitë me piktura e titulluar “Të drejtat e Fëmijëve në Telajo”.

Drejtoria e Kujdesit Social dhe Njësia e Mbrojtjes së Fëmijëve në Bashkinë Korçë ofrojnë një sërë shërbimesh për të asistuar në rastet e shkeljes së të drejtave të fëmijëve.