Qytetarët të cilët përdorin rrjetin social ‘facebook’, duhet të kenë kujdes nga skemat e mashtrimit që po qarkullojnë së fundmi në vendin tonë duke reklamuar ‘super oferta’ të rreme. Ditët e fundit ‘Tirana International Airport’ që nuk ka lidhje me faqen zyrtare të Aeroportit të Tiranës, pra është fake po reklamon valixhe të cilat i cilësojnë si të humbura.
Më pas hakerat, e kanë paguar këtë postim, duke i shitur për qytetarë në ofertë valixhet me çmimin ‘1 euro’.
Hakerat kanë hapur disa profile të rreme me emra të huaj, për të komentuar në këtë postim, ne menyre që të jenë të besueshëm
Faqja e rremë e hakerave online i kërkon qytetarëve që të aplikojnë me një klikim të vetëm, por në fakt, të ftojnë drejt një skeme mashtrimi, që mund të jetë një virus për të vjedhur të dhënat tuaja peraonale, apo mund të ofrojë dhe hapat për të bërë pagesën 1 euro për valixhe. Kujdes!
