Policia e Korçës ka vënë në pranga një 40-vjeçar, i cili u kap në flagrancë duke poseduar lëndë narkotike të dyshuar kokainë. Arrestimi u krye nga Forca e Posaçme “Shqiponja”, gjatë një kontrolli fizik në lagjen nr. 10 të qytetit.
Shtetasi i arrestuar është R. D., 40 vjeç, banues në Korçë. Gjatë kontrollit, atij iu gjet dhe iu sekuestrua një sasi kokainë, e cila tashmë do të përdoret si provë materiale në hetim.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Deklarata e plotë e Policisë:
“Specialistët e Sektorit të Narkotikëve arrestuan në flagrancë shtetasin R. D., 40 vjeç, banues në Korçë, pasi gjatë kontrollit fizik të bërë nga Forca e Posaçme ‘Shqiponja’, në lagjen nr. 10, Korçë, iu gjet dhe iu sekuestrua një sasi lënde narkotike e dyshuar kokainë.”
