Arrestime në Korçë për dhunë në familje dhe goditje për motive të dobëta
Policia e Korçës ka vënë në pranga dy shtetas, të dy me inicialet A. D., për vepra të ndryshme penale.
Sipas njoftimit zyrtar, Specialistët për Hetimin e Krimeve të Komisariatit të Policisë Korçë arrestuan në flagrancë:
- A. D., 48 vjeç, banues në fshatin Porodinë, pasi dyshohet se ka ushtruar dhunë ndaj babait të tij. Viktima është pajisur me urdhër mbrojtjeje.
- A. D., 44 vjeç, banues në Korçë, pasi dyshohet se për motive të dobëta ka goditur me grusht një 55-vjeçar, i cili ndodhet nën kujdes mjekësor në spital.
Policia njofton se materialet për të dy rastet i kanë kaluar Prokurorisë pranë Gjykatës së Shkallës së Parë Korçë, për veprime të mëtejshme ligjore.
Komunikata e plotë e Policisë së Korçës:
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasit:
A. D., 48 vjeç, banues në fshatin Porodinë, pasi dyshohet se ka ushtruar dhunë ndaj babait të tij, i cili u pajis me urdhër mbrojtjeje;
A. D., 44 vjeç, banues në Korçë, pasi dyshohet se për motive të dobëta, ka goditur me grusht një 55-vjeçar, i cili po merr mjekim në spital.”
