- Advertisement -
Kjo nuk është thjesht një kitarë. Është historia e një djali 12 vjeçar që dikur e prishi instrumentin e tij dhe që nga ai moment, nisi rrugën për t’u bërë mjeshtër i kitarave. Në një qytet si Korça, ku muzika është frymëmarrje, Genci Llapanji është njeriu që kujdeset për zemrën e saj: kitarën.
Prej vitesh është i vetmi riparues kitarash në Korçë, qytetin për të cilin thuhet se në çdo shtëpi e ka pasur një kitarë e që këtë traditë e ruan ende.
Genci Llapanji nuk riparon thjesht instrumentin me të cilin Korça identifikohet, ai mban gjallë një trashëgimi, ruan një kulturë që tingëllon përherë.
