SKËNDERBEU – VORA 1-0
Shënues: Rabiu 71′
Skënderbeu: Alia, Vaskez, De Oliveira, Prençi, Rabiu, Merlim, Estrela, Vangjeli, Balaj, Shaqe, Bismark. Trajner: Ernest Gjoka
Vora: Ruçi, Tabaku, Kasalla, Vrapi, Aneni, Ruzgis, Dalipi, Ntepe, Duka, Hasaj, Shehi. Trajner: Arjan Bellaj.
Skënderbeu ka kaluar në turin tjetër të Kupës së Shqipërisë falë një goli të shënuar 19-të minuta nga fundi i ndesjes, gol që është shënuar nga Mario Rabiu.
Ndeshja e sotme mes Skënderbeut dhe Vorës është luajtur në Devoll për shkak se korçarët kanë ruajtur fushën e mbuluar me dëborë, pasi në fundjavë luhet ndeshja e kampionatit dhe zgjodhën stadiumin e Devollit për ta luajtur ndeshjen e tyre.
Pjesa e parë u mbyll në barazimin 0-0, ndërkohë që kujtojmë se në këtë pjesë janë korçarët që humbasin edhe një 11-metërsh nga pika e bardhë.
Në pjesën e dytë e gjithë skuadra e Gjokës hidhet në sulm dhe kërkon golin e avantazhit, gol që e gjen në minutën e 71-të me autor Mario Rabiun që në këtë mënyrë kualifikon Skënderbeu në raundin tjetër të Kupës.
Tashmë Skënderbeu duhet të mendojë për ndeshen e së dielës, atë ndaj Vllaznisë në përballjen e javës së 21-të të vlefshme për “Abissnet Superiore”.
