- Advertisement -
Nga data 6 dhe 7 dhjetor, pritet që në qytetin e Pogradecit të mbahen dy eventet më të rëndësishme turistike dhe kulturore, siç janë ndezja e dritave të fundvitit dhe festa e verërave dhe gushtenjave. Bashkimi i të dy momenteve është një risi e Pogradecit për këtë vit, ndërsa atmosfera që do të krijohet do të sjellë bashkë turistët dhe vendasit.
Konkurset për verërat dhe kantinën më të mirë, pikturën apo poezinë janë pjesë e festës së verërave dhe gushtenjave në 30-vjetorin e saj.
Atmosfera do të plotësohet nga shumë këngëtarë dhe artistë të ftuar, të cilët do të performojnë gjatë netëve të eventit.
Në këtë 30-vjetor të organizimit të kësaj feste, sipas hotelerisë, rezervimet kanë ardhur drejt mbylljes.
