Dy arrestime për dhunë në familje në Korçë, procedohet edhe një 31-vjeçar për pushtim toke…

Specialistët për Hetimin e Krimeve të Komisariatit të Policisë Korçë:
-arrestuan në flagrancë shtetasin N. L., 51 vjeç, banues në Korçë, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje;
-arrestuan në flagrancë shtetasin Z. Ç., 52 vjeç, banues në Korçë, pasi u kap jashtë banese, në cenim të masës së sigurisë “Arrest në shtëpi”, të caktuar për veprën penale “Dhuna në familje”;
-referuan materialet në Prokurori, ku filloi procedimi penal për shtetasin P. M., 31 vjeç, banues në Korçë, pasi dyshohet se ka pushtuar një sipërfaqe toke, për ta vënë në funksion të lokalit që administron.