- Advertisement -
Një shembje e murit pritës është regjistruar në segmentin rrugor Maliq–Lozhan, në afërsi të urës së Qenckës, në kilometrin e 13-të të këtij aksi.
Sipas informacioneve paraprake, si pasojë e rrëshqitjes së një masivi dheu, muri pritës ka pësuar dëmtime, duke krijuar vështirësi në qarkullimin e mjeteve. Aktualisht, lëvizja e automjeteve kryhet me një korsi, ndërsa drejtuesit e mjeteve duhet të tregojnë kujdes të shtuar gjatë kalimit në këtë segment.
Autoritetet pritet të ndërhyjnë për stabilizimin e situatës dhe rikthimin e qarkullimit në normalitet.
