- Advertisement -
23-vjeçari Nikolin Jorgji nga Pogradeci arriti të kapë Kryqin e Shenjtë në ujërat e ftohta të Liqenit të Pogradecit. Ceremonia u zhvillua në kuadër të festës së Ujit të Bekuar dhe u ndoq nga Mitropoliti i Korçës, Imzot Anastas, si edhe nga drejtuesit e kishave ortodokse të Pogradecit.
Rreth 30 të rinj nga Pogradeci sfiduan temperaturat e ulëta, duke u hedhur në ujërat e liqenit për të marrë pjesë në ritualin tradicional të pagëzimit të ujërave. Ndërkohë, qindra qytetarë, sipas ritit fetar, morën ujë të bekuar nga liqeni, aty ku u hodh Kryqi, për mbarësi dhe shëndet.
