- Advertisement -
Në kuadër të përpjekjeve për të mbrojtur infrastrukturën dhe për të parandaluar dëmet nga reshjet e shiut, po vijojnë punimet në Lumin Dunavec për mbushjen me gurë të çarjeve të krijuara si pasojë e shirave të fundit.
Këto veprime po realizohen në bashkëpunim me Drejtorinë Rajonale të Ujitjes dhe Kullimit, me qëllim forcimin e brigjeve të lumit, rritjen e sigurisë për komunitetet përreth dhe garantimin e funksionimit normal të rrjedhës së ujit. Punimet synojnë të parandalojnë përmbytjet dhe dëmet në infrastrukturën e zonës, duke rritur njëkohësisht sigurinë e banorëve.
