- Advertisement -
Një aksident rrugor ka ndodhur pak minuta më parë në fshatin Çërravë të Pogradecit. Mësohet se një automjet është përplasur me një motor me targa të huaja, ku ka mbetur i plagosur drejtuesi i motorit.
Ende nuk dihen rrethanat e sakta të ngjarjes, ndërsa në vendngjarje kanë mbërritur ambulanca dhe policia. Nga përplasja kanë mbetur të plagosur edhe një çift turistësh të huaj, të cilët, fatmirësisht, nuk kanë pësuar dëmtime të rënda.
Shërbimet mjekësore po u japin ndihmën e parë të lënduarve dhe do t’i transportojnë ata drejt spitalit për trajtim të mëtejshëm. Nga ana tjetër, policia po kryen veprimet hetimore për të zbardhur plotësisht shkaqet dhe rrethanat e aksidentit.
