Në Galerinë e Artit të qytetit të Pogradecit është çelur ekspozita “Frymëzime Jete”, një aktivitet që sjell pranë publikut 43 piktura të artistit të njohur Haxhi Kastrati.
Ekspozita u hap mbrëmjen e datës 10 tetor, në orën 18:00, në prani të shumë artdashësve, intelektualëve dhe përfaqësuesve të pushtetit vendor.
Në fjalën e tij, piktori Haxhi Kastrati u shpreh mirënjohës për qytetarët e Pogradecit dhe për Bashkinë e Pogradecit, e cila mundësoi sjelljen e kësaj ekspozite në qytet. Ai tregoi se ekspozita ka udhëtuar në disa qytete të Shqipërisë, duke përcjellë një mesazh të fortë njerëzor dhe artistik.
Nga ana tjetër, Enxhel Gegprifti, kurator i ekspozitës, tha se veprat janë të frymëzuara nga ngjarje të luftës së Kosovës dhe se pikturat vijne ne nje menyre shume te vecante per publikun.
Ekspozita “Frymëzime Jete” do të qëndrojë e hapur për publikun pogradecar për 10 ditë, duke ofruar mundësinë që çdo vizitor të përjetojë emocione dhe reflektime përmes artit.
