Zjarr në Korçë, digjet një ndërtesë e braktisur në lagjen nr. 10

Një zjarr ka përfshirë pasditen e 20 shtatorit 2025 një ndërtesë të braktisur në lagjen nr. 10 të qytetit të Korçës. Sipas informacioneve paraprake, flakët kanë shpërthyer aksidentalisht, ndërsa në vendngjarje kanë shkuar shërbimet zjarrfikëse, të cilat bënë të mundur izolimin e zjarrit.

Fatmirësisht, nuk ka pasur të lënduar, por nga përhapja e flakëve janë shkaktuar vetëm dëme materiale në objektin e braktisur.

Autoritetet po vijojnë hetimet për të përcaktuar shkaqet e plota të rënies së zjarrit.