Një 35-vjeçar nga Tirana është proceduar penalisht në Korçë, pasi u kap me mallra pa dokumentacion tatimor.
Sipas Policisë, gjatë kontrollit në automjetin e shtetasit E. P., u gjetën dhe u sekuestruan disa produkte industriale, për të cilat ai nuk dispononte fatura shoqëruese.
Specialistët për Hetimin e Krimeve Ekonomike dhe Financiare referuan materialet në Prokurori, ku ka nisur procedimi penal për këtë shtetas. Hetimet vijojnë për dokumentimin e plotë të rastit.
Njoftimi i plotë i Policisë së Korçës:
Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin E. P., 35 vjeç, banues në Tiranë, pasi gjatë kontrollit në automjetin e tij u gjetën dhe u sekuestruan disa produkte industriale për të cilat ai nuk dispononte fatura shoqëruese.
