Policia e Korçës ka arrestuar në flagrancë dy drejtues automjetesh, të cilët u kapën duke shkelur ligjin rrugor.
Sipas njoftimit zyrtar, specialistët e Sektorit të Qarkullimit Rrugor vunë në pranga një 32-vjeçar nga fshati Stavraj, Librazhd, i identifikuar me inicialet A. R., pasi u konstatua duke drejtuar automjetin pa leje drejtimi.
Gjithashtu, është arrestuar edhe një 54-vjeçar me banim në Korçë, me inicialet B. A., i cili u kap në timon në gjendje të dehur.
Policia apelon për respektim të rregullave të qarkullimit rrugor, duke theksuar se kontrollet do të vijojnë për parandalimin e aksidenteve dhe rritjen e sigurisë në rrugë.
Njoftimi i plotë i Policisë së Korçës:
Specialistët e Sektorit të Qarkullimit Rrugor arrestuan në flagrancë shtetasit:
- A. R. 32 vjeç, banues në fshatin Stavraj, Librazhd, pasi u kap duke drejtuar automjetin, pa leje drejtimi;
- B. A., 54 vjeç, banues në Korçë, pasi u kap duke drejtuar automjetin, në gjendje të dehur.
