Korçë/ Bie intensiteti i vatrës së zjarrit në Miras të Devollit, 100 forca në aksion, hapen edhe kanale izoluese! 

Situata e zjarrit në kurorën e pyllit në fshatin Miras, Njesia Administrative Miras Bashkia Devoll, paraqitet e qetë dhe pa intensitet ditën e sotme, si pasojë e uljes së temperaturave gjatë natës.

Prej orës 05:00 të mëngjesit, në terren ndodhen rreth 100 forca nga të gjitha shërbimet e bashkisë, ndërsa aksionin po e ndjek nga afër nënprefekti i Devollit. Aktualisht po punohet për krijimin e kanaleve izoluese dhe monitorimin e zonës, me qëllim shuarjen e vatrave që mund të mbeten ende aktive.