Rritet fluksi i hyrje-daljeve në pikat kufitare të juglindjes, mbi 17 mijë shtetas kalojnë vetëm më 5 gusht
Pikat kufitare të Kapshticës dhe Qafë Thanës kanë regjistruar një rritje të ndjeshme të fluksit të qytetarëve gjatë 24 orëve të fundit, si pasojë e lëvizjeve të shtuara në kulmin e sezonit turistik.
Sipas të dhënave zyrtare nga shërbimet e Policisë Kufitare për datën 5 gusht 2025, rezulton se në pikën e kalimit kufitar të Kapshticës kanë hyrë në vend 3,937 shtetas, ndërsa kanë dalë 3,428 shtetas.
Ndërkohë, në pikën kufitare të Qafë Thanës, e cila lidh Shqipërinë me Maqedoninë e Veriut, janë regjistruar 5,311 hyrje dhe 4,516 dalje të shtetasve shqiptarë dhe të huaj.
Në total, në të dy pikat kufitare janë llogaritur 17,192 lëvizje shtetasish, shifër që reflekton intensitetin e lartë të lëvizjes për
