- Advertisement -
Në pikën kufitare të Qafë Thanës është regjistruar sot një fluks i lartë automjetesh, duke krijuar radhë të gjata pritjeje që shtrihen me kilometra. Pjesën më të madhe të kalimtarëve e përbëjnë shtetas të huaj dhe shqiptarë nga Maqedonia e Veriut, të cilët po kthehen nga pushimet në bregdetin shqiptar.
Sipas drejtuesve të automjeteve, pritjet janë të gjata dhe krijojnë vonesa të ndjeshme, ndërsa si shkak kryesor përmendet pala maqedonase, e cila sipas tyre nuk po rakordohet me autoritetet shqiptare për të aplikuar një procedurë të përshpejtuar kalimi.
Sezoni i verës ka sjellë rritje të ndjeshme të qarkullimit në këtë pikë kufitare, sidomos nga pushuesit që zgjedhin të vizitojnë Shqipërinë për udhëtime ditore apo fundjave.
