Prespa u shndërrua në një skenë të gjallë shumëngjyrëshe, ku kultura dhe tradita kapërcyen kufijtë administrativë për të sjellë një festë të vërtetë bashkimi dhe diversiteti. Festivali “MEET” Prespa u zhvillua me sukses, duke mbledhur së bashku komunitete nga Shqipëria dhe Maqedonia e Veriut në një atmosferë festivali të rrallë për rajonin.
Në qendër të festivalit ishin muzika tradicionale, vallet popullore dhe artizanati vendor, që u prezantuan nga dhjetëra grupe artistike nga të dy anët e liqenit. Performancat folklorike morën duartrokitje të zjarrta nga publiku, ndërsa ekspozitat e produkteve artizanale dhe ushqimeve tradicionale tërhoqën interesin e vizitorëve vendas dhe të huaj.
Sic e permendin edhe pjeswmarrwsit, Prespa ka nevoje pwr aktivitete tw tilla qw traditat e tyre tw ruhen dhe tw pwrcillen brez pas brezi.
Aktiviteti u mbyll me pjesëmarrje të lartë dhe vlerësime pozitive nga të gjithë pjesëmarrësit. Organizatorët shprehën gatishmërinë për ta kthyer festivalin në një traditë të përvitshme në rajon.
