Korçë/Vijojnë kontrollet në kuadër të operacionit policor të koduar “The Wanted”, për kapjen e shtetasve në kërkim.
Pjesëtarë të grupeve kriminale që shitnin doza të drogave të forta në qytetin e Korçës, kapen dhe vihen në pranga 3 shtetas të shpallur në kërkim në kuadër të operacionit “Knock Down 2”.
Të arrestuarit, të dënuar secili me mbi 7 vjet burgim.
Specialistët për Hetimin e Narkotikëve, në bashkëpunim me shërbimet e Forcës së Posaçme “Shqiponja”, në vijim të punës për lokalizimin dhe kapjen e shtetasve të shpallur në kërkim, bazuar dhe në informacionet e siguruara në rrugë operative, në kuadër të operacionit policor të koduar “The Wanted”, kapën dhe arrestuan shtetasit:
J. Xh., 29 vjeç, banues në Korçë. Nga dënimi 7 vjet burgim, për veprën penale “Prodhimi dhe shitja e narkotikëve”, këtij shtetasi i kanë mbetur për të kryer 2 vjet, 10 muaj e 15 ditë;
P. K., 34 vjeç, banues në Korçë. Nga dënimi 7 vjet e 6 muaj burgim, për veprën penale “Prodhimi dhe shitja e narkotikëve”, këtij shtetasi i kanë mbetur për të kryer 2 vjet, 1 muaj e 16 ditë;
E. C., 35 vjeç, banues në Korçë. Nga dënimi 8 vjet burgim, për veprën penale “Prodhimi dhe shitja e narkotikëve”, këtij shtetasi i kanë mbetur për të kryer 3 vjet, 4 muaj e 20 ditë.
Materialet proceduriale i kaluan Prokurorisë, për veprime të mëtejshme.
