Shqipëria po humb një thesar të UNESCO-s
Këto janë disa nga ndërtimet e planifikuara nga @AADF (Fondacioni Shqiptaro-Amerikan për Zhvillim) në zonë e mbrojtur “Liqeni i Pogradecit” – të shpallur si pasuri botërore e UNESCO-s.
Investimet e planifikuara për tu zhvilluar nga AADF – janë ndërtime me intensitet të madh – struktura gjigande prej betoni në zemër të zonës së mbrojtur.
UNESCO pritet të miratojë këto ditë vendimin paraprak 47 COM 7B.54, i cili rekomandon që Trashëgimia Natyrore dhe Kulturore e Rajonit të Ohrit (Shqipëri/Maqedonia e Veriut) të përfshihet në Listën e Trashëgimisë në Rrezik.
Arsye kryesore:
• Projekte ndërtimi dhe zhvillimi, të ndërmarra pa vlerësim të ndikimit dhe pa njoftim paraprak ndaj UNESCO-s.
• Rrezik i madh për Vlerën Universale të Jashtëzakonshme (OUV) të liqenit.
Si shumë problematike për pjesën shqiptare të liqenit shihen:
1. Urbanizimi i paligjshëm dhe mungesa e ndryshimeve në planet urbanistike.
2. Përgjigje negative ndaj kërkesave të UNESCO-s për të:
• Hequr mundësinë për zhvillim urban përgjatë bregut Pogradec–Tushemisht dhe në Lin;
• Ndaluar ndërtimin në kodrën mbi Parkun e Drilonit;
• Ndaluar zhvillimin urban në zonën rurale midis Tushemishtit dhe Drilonit.
3. Mungesa e Vlerësimeve Mjedisore Strategjike dhe Vlerësimeve të Ndikimit në Mjedis (SEA/EIA).
Gjatë ditëve në vijim të sesionit, Komiteti i UNESCO-s do të votojë për:
• Përfshirjen zyrtare të Ohrit në listën e rrezikut (47 COM 7B.54),
• Kërkesën për masa dhe raportim nga shtetet (47 COM 7B.56),
• Amendamentin e propozuar nga Maqedonia e Veriut, në përpjekje për të anuluar përfshirjen në atë listë (nuk ka ndonjë përpjekje të tillë nga Shqipëria).
Nëse nuk ndodh një kthesë e papritur, Liqeni i Ohrit do të shpallet Trashëgimi Botërore në Rrezik për herë të parë.
Kjo është vetëm njëra nga pasojat e amendimit të ligjit “Për zonat e mbrojtura” vitin e kaluar.
