- Advertisement -
Pogradec – Një banesë është përfshirë nga flakët pak minuta më parë në fshatin Trebinjë të Mokrës.
Sipas banorëve të zonës, zjarri, i favorizuar edhe nga temperaturat e larta të ditëve të fundit, është përhapur me shpejtësi në të gjithë ndërtesën. Fatmirësisht, familjarët kanë arritur të dalin në kohë nga banesa, pa pësuar lëndime.
Menjëherë pas shpërthimit të flakëve, banorët kanë njoftuar policinë dhe shërbimin zjarrfikës, i cili ndodhen në fshatin Trebinjë. Ky fshat ndodhet në një distancë të konsiderueshme nga qyteti i Pogradecit.
Dyshohet paraprakisht se shkak i zjarrit ka qenë një shkëndijë elektrike. Dëmet materiale raportohen të jenë të mëdha, ndërsa autoritetet po hetojnë rrethanat e ngjarjes.
