- Advertisement -
Policia Rrugore e Korçës ka intensifikuar kontrollet për rritjen e sigurisë në rrugë, duke finalizuar me arrestimin e tre shtetasve të dyshuar për shkelje të rënda të Kodit Rrugor.
Sipas njoftimit zyrtar të Drejtorisë Vendore të Policisë Korçë:
- Specialistët e Sektorit të Qarkullimit Rrugor arrestuan në flagrancë shtetasit:
Sh. G., 59 vjeç, banues në Maliq dhe A. Ç., 59 vjeç, banues në Korçë, pasi u kapën duke drejtuar motomjetet, pa leje drejtimi;
G. D., 37 vjeç, banues në Korçë, pasi u kap duke drejtuar automjetin, në gjendje të dehur.
Policia bën apel për respektimin e rregullave të qarkullimit rrugor, në funksion të parandalimit të aksidenteve dhe garantimit të sigurisë së jetës në rrugë. Kontrollet do të vijojnë me intensitet të lartë në të gjitha akset urbane dhe rurale të qarkut.
